| MeGa | التاريخ: الإثنين, 2012-10-01, 11:56 PM | رسالة # 1 |
 ويب ماستر
مجموعة: المدراء
رسائل: 173
حالة: Offline
| 
يا شمس إمتى يعود نورك ويطلع النهار إمتى تفتحى عيونك لأجل ما يزول الدمار وحشتنى لمسة شعاعك الدافى اللى مليان بالعمار ووحشنى أشوف خضار الأرض بلون النهار وحشتى الطير المسافر المشتاق للإنتصار إمتى يزول عنك سحاب الإنتظار وإمتى ينفتح عن ضيك الستار وحشتى شبابك ولادك كبارك وحتى الصغار مشتاقنلك بلهفه تمحى الإنكسار مشتاقنلك يا شمس تحلى المرار عيونا سهاره بعدك فى ليل وقته طال عارفك حزينه على اللى جرى واللى سار ورافضه تشوفى دم أولادك الأحرار بس سمحينا يا شمس قبل الإنهيار قبل ما الحلم الجميل تلوثه الأفكار أفكار البلطجيه والأجانب والأشرار وقبل ما تموت الفرحه ويزيد الإنتحار وقبل ما يملى سماكى دخان ونار
بناديكى وياريت ندايا يوصل للسمع والأبصار جايلك وجايب معايا كل قبطى ومسلم بنقدم إعتذار وقبل ما تردى علينا أو تخدى قرار إفتكرى إن إحنا ولادك الطيبين الأخيار |
| |
| |
