| MeGa | التاريخ: الإثنين, 2012-10-01, 11:41 PM | رسالة # 1 |
 ويب ماستر
مجموعة: المدراء
رسائل: 173
حالة: Offline
| 
شايفين العمر بيجرى وساكتين.
ايام بتمر وشهور بتجر وراها سنين.
وع دا الحال بقالنا كتير صابرين.
.ونقول ما احنا عايشين
عايشين ولا مش عايشين!!.
طب لو عايشين.
طب فين عايشين؟. طب لأمتى ؟طب لمين؟.
طب لو مش عايشين.
طب امتى نعيش؟ .وامتى يحس الل حوالينا بإننا موجودين؟.
طب نفسنا نسأل سؤالين .
- ليه سبتونا بنغرق وانتوا عشتوا قبلينا وعارفين؟
- طب لما حاولنا وجربنا ليه قولتوا علينا شباب تافهين؟
ولما بنسكت قولتوا علينا دول على ودانهم نايمين.
يادى الليله السودا.
جننتونا معاكوا .خلتونا ليه تايهين؟
طب نعمل ايه ؟
طب لو طرقعنا أفكارنا ياعالم ممكن نتشاف؟
ولا هنبقى زى عدمنا ونبقى مجرد ورق شفاف.
ولا تقولوا علينا دول مش فاهمين.
ليه خلقتوا بينا وبينكم فرق
على أيامكوا كانت الصحبه لمه وعيله
بس المغرب لما يأذن كله بيقفل بابه يسك
طب إحنا طلعنا لقينا صحاب ع الياهو وع الفيسبوك
قولتوا حياتنا غلط وعيب وعملتولنا أجنور وبلوك
...
ابيض واسود ع ايامكم
طب احنا ايامنا بالألوان
طب أنتوا حضرتوا السينما الصامته
وع ايامنا اللمبى ومرجان
ابيض اسود اسود ابيض
هربت منهم الالوان
ابيض لون الصوره زمان
واسود برضه دا لونها كمان
حتى اللبس زمان كان اسود
عمركوا شوفتوه بالألوان
حاجه تجنن
......
ف المدرسه واحنا صغارعلمتونا.
لو ع الرقبه نقول الحق.
طب واحنا كبار
ليه قولتولنا ليلتكم سودا
لو فكرتوا تقولوا الحق
لو جربتوا تغيروا مره .وتقولوا لاء.
واسود من قرن الخروب
لو فكرتوا تعدلوا يوم نظام مقلوب
عشمتونا واحنا صغار بأجمل حكايات
ولما كبرنا وجهنا مصيرنا
نفذ ديما المطلوب
....
ولما وقفنا ع رجلينا وبإصرار
قولتوا هيرجعوا لو بس سمعوا ف الجو عيار
بس وقفنا وقمنا بثورة الأحرار
قولتوا الثوره خراب ودمار
وشويه
قولتوا علينا دول ابطال
ولما مات منا شباب
قولتوا دول ف الجنه من الابرار
...
ولما حاكمنا نظام مخلوع
ولما هدمنا للظلم قلوع
قولتوا برافوا
ولما اختارنا رئيسنا بإيدنا
قولتوا ولادنا دول امجادنا
وقولتوا برافوا.
طب ليه تانى رجعتوا تقولوا شباب تافهين
فرافير ونفير ليه بتقولوا شباب ضايعين
بأى دا اسموا كلام
يا نهار اسود
والله حرام
دا احنا صحيح عالم مجانين.
|
| |
| |
