| MeGa | التاريخ: الإثنين, 2012-10-01, 11:23 PM | رسالة # 1 |
 ويب ماستر
مجموعة: المدراء
رسائل: 173
حالة: Offline
| 
معتقدش ان فى الزمن اللى احنا بنعيشه ده حاجه موجوده من كلام التضحيه من أجل من نحب غير على الورق أو مجرد احساس ممكن نحس بيه لكن مش موجود. صعب يبقى حقيقه ملموسه او طبع يبقى فينا للأسف. وبعدين خلينى أعدل على كلام الحبيبه يعنى هنغير سيأتي يوم من الأيام وتجد من يصون قلبك ويخاف من نزول دمعتك وستجد من يراود أحلامك وستجد من يضحي من أجل إبتسامه ترسمها على وجهك......فلا تغلق أبواب قلبك فليس كل من يدقها ينوي جرحه .ونقول سـتأتى لحظه من اللحظات ودى طبعا مبتحصلش كتير لأن لحظه الاخلاص بقت بكام دلوقتى ولا انت مبتعملش شوبينج وبعدين هنشيل المظاهر الجماليه زى دمعتك واحلامك ويضحى وابتسامه وابواب قلبك ونوضح اولا الناس كلها نفسها تشوف دموع غيرها وبتقول اللى يشوف دموع الناس تهون عليه دموعه اّل يعنى عشان تصبر نفسها واحلامك طبعا هتتشال لان مبقاش حد ينام والاحلام تعبير مجازى غير معترف بيه زمنيا ويضحى ممكن نخليها لانه ممكن يستعملها صح يعنى يضحى بيك مش من أجلك وابتسامه طبعا هتبقى موجوده بس ابتسامه مصطنعه وبعدين هنشيل أبواب قلبك ونعمل بوابه حديد وليها قفل كبير وياريت لو يبقى فيه جهاز انذار عشان ينبهك لو كان حد عاوز يدخل لقلبك ويسرق من عمرك وينتهك أفراحك بس برافوا فى كلمه أنا مش معترض عليها وهى . ينوى جرحه لأنه فعلا هيعمل كده لأن دى النهايه المؤكده. جايز تقول الشاب اللى كتب الكلام ده أكيد بيمر بمشكله عاطفيه أو قاسى كتير أو ممكن تقول عاش كتير وجرب كتير لكن اللى عاوزك تعرفه ان هى دى الحقيقه مع الأسف والدنيا علمتنى مسلمش نفسى لحلم ممكن يدمرنى بعدين وعلمتنى ارضى واقبل بالواقع وأتعايش معاه حتى لو كان قاسى عشان أعرف أعيش وأتحمل وأكمل |
| |
| |
