| MeGa | التاريخ: الثلاثاء, 2012-10-02, 0:06 AM | رسالة # 1 |
 ويب ماستر
مجموعة: المدراء
رسائل: 173
حالة: Offline
|
حدف بحــــر
يابحر اسمع كلام منــــــي هويتك وانت حارمنــــــــي
باحب اسمع كلام منــــــــك بلاش تتقل وكلمنـــــــــــي
يابحر النيه فيك صافيــــــه وفيك أسرار كتير خافيــــه
وناس عالبر متعافيــــــــــه بحدفك وانت ظالمنــــــــي
يابحر احدف هنـــــــــا مره حرام تنساني بالمـــــــــره
حدفت كتير مفيش مــــــره لقيت حدفك بيوصلنــــــــي
حكوا لي كتير كلام عنـــــك عشان ارجع واخاف مــنك
لقيت نفسي وانا جنبــــــــك مفيش غيرك بيفهمــــــني
ياموج البحر ياعــــــــــالي تعالي اشهد علي حـــــالي
غريب بين أهلي وعيــــالي ماليش غيرك يوالمــــــني
يابحر ركبت انا صعبـــــــك وياما مشيت علي دربــــك
وعشت سنين وانا صاحبك واخاف تغدر وتإلمنــــــي
بلاش تغدر ف يوم بيـــــــا دفعت كتير انا الديــــــــــه
حفرت الصخر بإيديــــــــــا ياريت الدنيا ترحمنـــــــي
|
| |
| |
